இருளின் இரட்சகன்!

 

இரண்டாம் உலகப் போருக்குப் பிந்தைய காலகட்டத்தில் ஆப்பிரிக்காவில் நடக்கும் விசித்திரமான சம்பவங்களை மையமாகக் கொண்ட மூன்றாம் பாகத்தின் கதைச்சுருக்கம்:

ஜெர்மன் நாஜி படையினர் இரண்டாம் உலகப் போருக்குப் பிறகு நமீபியா பாலைவனத்தின் ரகசிய நிலத்தடி தளங்களில் ஒளிந்திருந்து, வேற்றுக்கிரகவாசிகளின் தொழில்நுட்பத்தைப் பயன்படுத்தி மனிதர்களை மாற்றியமைக்கும் கொடூர சோதனைகளைச் செய்து வருவது தெரியவருகிறது. 

பிரிட்டிஷ் இரகசிய உளவாளியான கேத்தி ஆஸ்டின், பாலைவனத்தில் நடக்கும் ராட்சத உயிரினங்களின் தாக்குதல்கள் மற்றும் விசித்திரமான பறக்கும் தட்டுகளின் ரகசியத்தை நோக்கி நகர்கிறார்.

நாஜிக்களின் ரகசிய நிலத்தடி ஆய்வுக்கூடத்திற்குள் ஊடுருவி அங்கு நாஜிக்கள் வேற்றுக்கிரகவாசிகளுடன் கைக்கோர்த்து மனித குலத்திற்கே ஆபத்தான உயிரியல் ஆயுதங்களை உருவாக்க முயற்சிப்பதைக் கண்டறிகிறார். ஆபத்தான உயிரினங்களிடமிருந்தும், நாஜி படைகளிடமிருந்தும் தப்பித்து இந்த உண்மையை உலகிற்கு வெளிச்சமிட்டுக் காட்டுவதே பாகம் மூன்றின் கதைக்களமாகும் .

...எசேக்கியேல் தீர்க்கதரிசி, கிமு 600 வாக்கில் பாபிலோனுக்கு நாடுகடத்தப்பட்டவர்...

எசேக்கியேல் புத்தகம் உலக முடிவைப் பற்றிய ஒரு பயங்கரமான தரிசனத்தைக் கூறுகிறது...

மனிதர்கள் ஒருவரையொருவர் வெட்டிச் சாய்த்துக்கொள்கிறார்கள், கடவுள் தனது தீச்சக்கரத் தேரிலிருந்து இறங்கி, பூமியை யுகமுடிவின் பேரழிவாக மாற்றுகிறார்.

அதெல்லாம் ஜனங்களுக்குக் கொடுக்கிற போதை மருந்துங்க! நான் கம்யூனிஸ்ட்! நீங்களும் கம்யூனிஸ்ட்டா?

★*கார்ல் மார்க்ஸ் 1844-ஆம் ஆண்டு எழுதிய ஹேகலின் உரிமைத் தத்துவப் பரிசீலனைக்கு ஒரு பங்களிப்பு என்ற நூலின் முன்னுரையில் கீழ்கண்ட புகழ்பெற்ற வரிகளைக் குறிப்பிட்டுள்ளார்:

மதம் என்பது ஒடுக்கப்பட்ட உயிரினத்தின் பெருமூச்சு... அது மக்களுக்கு அளிக்கப்படும் போதை மருந்து.

Religion is the sigh of the oppressed creature... It is the opium of the people.

இந்த தத்துவத்தின் கருப்பொருள்:

 வலியைக் குறைக்கும் மருந்தாக மதம்:

 19-ஆம் நூற்றாண்டில் 'அபின்' (Opium) மருத்துவத்தில் கடுமையான உடலியல் வலியைக் குறைக்கும் நிவாரணியாகப் பயன்படுத்தப்பட்டது. மனிதர்கள் சந்திக்கும் வறுமை, சுரண்டல் மற்றும் சமூக அநீதிகளால் ஏற்படும் மனவேதனையை தற்காலிகமாக மறக்கடிக்கச் செய்யும் ஒரு வலி நிவாரணியாகவே மதம் செயல்படுகிறது என்பது மார்க்ஸின் கருத்து.

 போலி நம்பிக்கை:

 அபின் போதை எப்படி ஒரு மனிதனை நிஜ உலகப் பிரச்சினைகளிலிருந்து தற்காலிகமாக விலக்கி, போலி உலகிற்கு அழைத்துச் செல்கிறதோ, அதேபோல மதம் மனிதர்களுக்குத் தங்களின் தற்போதைய துன்பங்களுக்கு அடுத்த ஜென்மத்திலோ அல்லது மறுமையிலோ சொர்க்கம் கிடைக்கும் என்ற போலி நம்பிக்கையை அளிக்கிறது.

 புரட்சியைத் தடுக்கும் காரணி:

 மக்கள் தங்களைச் சுரண்டும் முதலாளித்துவ அமைப்பையோ அல்லது அடக்குமுறை அரசையோ எதிர்த்துக் கேள்வி கேட்காமல், "இது கடவுளின் விதி" என்று ஏற்றுக்கொண்டு அமைதியாக வாழ மத நம்பிக்கை வழிவகுக்கிறது. இதனால் சமூகப் புரட்சிக்கான எழுச்சி தடுத்து நிறுத்தப்படுகிறது.

சுருக்கமாகச் சொன்னால், மார்க்ஸ் மதத்தை வெறும் நம்பிக்கையாக மட்டும் பார்க்காமல், மனிதர்களின் நிஜ உலகத் துன்பங்களை மறக்கடிக்கும் ஒரு 'சமூகப் போதைப்பொருளாக'ப் பார்த்தார்.

...கடவுளிடமிருந்தும் தன்னிடமிருந்தும் அந்நியப்படுத்தப்பட்ட நம் காலத்து மனிதன், இக்காலத்தின் பைத்தியக்காரத்தனத்திலும், தன்னை விழுங்கும் அந்த நவீனத்துவத்தின் சுழலிலும் தூக்கி எறியப்பட்டுள்ளான்...

நவீன மனிதன் கோரிக்கைகளால் திணறடிக்கப்படுகிறான்... அவன் சமூக அந்தஸ்து பெற்றிருக்க வேண்டும், பணம் சம்பாதிக்க வேண்டும், அதை அங்கீகரிக்கப்பட்ட முறையில் செலவழிக்க வேண்டும்...

...அவன் ஒரு நல்ல குடிமகனாக, ஒரு நல்ல கணவனாக, ஒரு நல்ல தந்தையாக இருக்க வேண்டும்...

...ஒருவேளை போர் மூண்டால், ஒரு நல்ல படைவீரனாகவும் இருக்க வேண்டும்...

ஆனால், தான் தனக்குள்ளும், தன் ஆன்மாவுடனும், கடவுளுடனும் சமாதானமாக இருக்கிறோமா என்று யாராவது கவலைப்படுகிறார்களா?

ஆயினும், இந்த உலகம் என்றென்றும் நிலைத்திருக்காது. நம்முடைய உயிர்களைப் போலவே! ஆம், நாம் கணக்குக் கேட்கப்பட்டு, எல்லாம் வல்ல இறைவனின் தொடுதலையும் முத்திரையையும் வெளிப்படுத்த வேண்டிய காலம் வந்தே தீரும்!

அப்படியானால், நான் உங்களிடம் கேட்கிறேன்: குழந்தைகள் தங்கள் பொம்மைகளைக் கண்டு திருப்தியடைவதைப் போல, உங்கள் கார், குளிர்சாதனப் பெட்டி, வீட்டு உபகரணங்கள் போன்றவற்றைக் கண்டு நீங்களும் திருப்தியாகவும் நிறைவாகவும் உணர்கிறீர்களா?

எசேக்கியேலின் புத்திரர்கள் நாம் வாழும் உலகுக்கும், நமது உயிர்களுக்கும் மீண்டும் அர்த்தம் கொடுப்பார்கள்... 

என் சகோதரர்களே, என் மகன்களே, என் நண்பர்களே, எங்கள் திருச்சபையில் சேருமாறு உங்களை அழைக்கிறேன்! நான் உங்களை அழைக்கிறேன்...

...வாருங்கள், எங்களிடம் வாருங்கள்!