பனியில் ஒரு கல்லறை!

 

எண்ணற்ற யுகங்களாக  உறைபனியால் மூடப்பட்டிருந்த அந்த மறைவான குகைக்குள், விசித்திரமான, குட்டையான உருவம் ஒன்று ஏதோ நிகழ்வதற்காக காத்திருந்தது... 

நீண்ட காலமாக பனியால் மூடப்பட்டிருந்த அந்த குகையின் மேல் பகுதியில், உறைந்து போயிருந்த பனி விழுதுகள் காவல் காப்பவை போல தொங்கிக் கொண்டிருந்தன. 

அது வெப்பம் நிறைந்த ஒரு கோடைக்காலம். இரண்டு ஆங்கிலேயப் பெண்கள் தாங்கள் தங்கியிருந்த கிராம விடுதியின் அருகில் உள்ள மலையில் பெரும் சத்தத்துடன் பனிச்சரிவு ஏற்பட்டதைக் கண்டனர்.

   லெஸ்லி! அந்தச் சத்தத்தைக் கேட்டால், அது ஒரு பிரம்மாண்டமான நீர்வீழ்ச்சி போலிருக்கிறது! காலடியில் நிலம் நடுங்குவதை உணர்கிறாயா?

என்னால் அதைப் பார்க்க முடிகிறது! 

ஒரு பனியாறு ஓடுவது போல... அற்புதம்!  

பனிச்சரிவு அடங்கிக்கொண்டிருக்கிறது... அட! என் கண்ணுக்குத் தவறாகத் தெரிகிறதோ என்னவோ, பனிச்சரிவால் வெளிப்பட்ட ஒரு குகை வாசல் அங்கே தெரிகிறது! வா! மேலே ஏறிப் பார்ப்போம். 

பனியில் புதைந்து கிடந்த அந்த உருவம், தன்னை முதன்முதலாகத் தொட்ட வெப்பத்தில் பளபளத்தது. அதன் மேற்பரப்பில் நீர்த்துளிகள் தோன்றின... 

அப்போது...

ஒரு ரகசிய குகையை ஆராய்வது  பரவசமூட்டும் அனுபவம் இல்லையா டான்? அடடா, இது பிரமிக்க வைக்கிறது! படிகம் போல குகை எங்கும் மின்னும் பனிக்கட்டிகள்!

யோசித்துப் பார்... இங்கே காலடி எடுத்து வைக்கும் முதல் மனிதர்கள் நாமாகத்தான் இருக்க முடியும். இது ஒரு அற்புதமான உணர்வு... 

லெஸ்லி குகையை புகைப்படம் எடுத்துக் கொண்டிருந்தபோது, ​​டான் தனியாகச் சென்றாள். திடீரென்று... 

ஆஆஆஆ!

டானி  என்ன ஆச்சு?

ஏன் அலறினாய்? 

பனிக்கட்டிக்கு அடியில் ஒரு பிரம்மாண்டமான மம்மத் யானை  ஓவியம்! அது என் மீது பாய்ந்து வருவது போல் இருந்தது லெஸ்ஸி! 

அப்படியானால், இந்தப் பகுதி எப்போதும் இப்படி அடைக்கப்பட்டிருக்கவில்லை. வெகு காலத்திற்கு முன்பு, ஆதிகால மனிதர்கள் ஒருவேளை கற்கால வேட்டைக்காரர்கள் இங்கே வாழ்ந்திருக்க வேண்டும்...

இது ஒரு முக்கியமான கண்டுபிடிப்பு, டானி! நாம் பிரபலமடைவோம்! இதை ஆய்வு செய்ய உலகம் முழுவதிலுமிருந்து அறிஞர்கள் வருவார்கள்! 

இன்னும் பல ஓவியங்கள்... இன்னும் பலவிதமான விசித்திரமான பொருட்கள் இங்கே சிதறிக் கிடக்கலாம். வா பார்ப்போம்!

நான் முதலில் இந்த ஓவியத்தை வரைந்து பார்க்கப் போகிறேன். இதை வரைந்தது யார் என்று தெரியவில்லை! ஆனால் உயிரோடு இருப்பது போல்  மிகவும் தத்ரூபமாக, மிரட்டலாக இருக்கிறது. 

அந்த குகையின் அதிசயங்களில் மூழ்கியிருந்த தோழிகளுக்கு நேரம் போனதே தெரியவில்லை...

லெஸ்லி, வெளியே பனிப்பொழிவு அதிகமாக இருக்கிறது. கண்ணுக்கு எதுவுமே தெரியவில்லை!

இந்தச் சூழலில் கீழே இறங்கும் ஆபத்தை நாம் எடுக்க முடியாது. பனி நின்ற பிறகு போவதுதான் புத்திசாலித்தனம். 

ஆனால்...

இன்னும் பனி பெய்து கொண்டிருக்கிறது, இருட்டவும் தொடங்கிவிட்டது. நாம் இரவு முழுவதும் இங்கேயே சிக்கிக்கொள்ளப் போகிறோம்! அடச்சே... நாம் இன்னும் கொஞ்சம் சீக்கிரமாகவே கிளம்பியிருக்கலாம்.

ஒருவேளை வரலாற்றுக்கு முந்தைய காலத்து மனிதர்கள் வந்து,  விசித்திரமான, கொடூரமான சடங்குகளைச் செய்திருக்கக்கூடிய இந்தக் குகையில் நாம் தனியாக இருக்கிறோம். நினைக்கவே பயங்கரமாக இருக்கிறது!

பர்ர்ர்ர்! ஒரேடியாக குளிர்கிறது,  சூடாக ஏதாவது  குடிக்கலாமா? 

பனிவிழுதுகள் எல்லாம் உருகி சொட்டிக்கொண்டிருக்கிறது... வெளிச்சம் வந்ததும் நாம் கீழே இறங்கத் தொடங்கலாம். விடுதியில் இருப்பவர்கள் பதற்றமடைந்திருப்பார்கள்.

லெஸ்லி, அந்த காற்றழுத்த அடுப்பை அணைக்காமல் அப்படியே விட்டுவிடு. இருட்டில் இருக்க எனக்கு விருப்பமில்லை. அதுவும் இந்த இடத்தில்!

ஆனால் அது ஒரு பெரிய தவறாக அமைந்தது. அடுப்பின் வெப்பத்தால்... 

முதலில் அடர்த்தியான புருவம் வெளிப்பட்டது, பிறகு ஒரு பிரம்மாண்டமான தோள்பட்டை...

குகைக்குள் ஒளியின் முதல் கதிர்கள் மெல்ல நுழைந்து அந்தப் பெண்களை எழுப்பியபோது...

லெஸ்லி! பனி முழுவதும் மறைந்துவிட்டது! அதற்குக் கீழே ஒரு கல் உருவம் இருக்கிறது!

அட! இது பார்ப்பதற்கு அச்சு அசலாக உயிருள்ள ஒருவரைப் போலவே இருக்கிறது. என்னவொரு முரட்டுத்தனமான முகம்! அதோடு அந்த ஆடையும் உண்மையானது போல் தோற்றமளிக்கிறது! 

டானி, இது மென்மையான உண்மையான ரோமம்! இ... இந்த உருவம் சிலையே இல்லை. நிஜமான கற்கால மனிதன்! 

இங்கே அமர்ந்தபடி அவன் இறந்து,

 பனியில் உறைந்து போயிருக்க வேண்டும். பனிச்சரிவு மீண்டும் குகையைத் திறக்கும் வரை, அவன் பனியில் பாதுகாக்கப்பட்ட நிலையில் இப்படியே இருந்திருக்கிறான்!

அந்தப் பன்றிக் கண்கள் நம்மை முறைத்துப் பார்ப்பது போலத் தோன்றுகிறது... ஓ, லெஸ்லி, இங்கிருந்து போய் விடுவோம்! 

சரி, நான் கிளம்பத் தயாராகிறேன்... அட! என் கைக்கடிகாரம் எங்கே?  நேற்று நான் அங்குமிங்கும் சுற்றிப் பார்த்தபோது அது கீழே விழுந்திருக்க வேண்டும். 

இதுவரை அதிர்ஷ்டம் இல்லை. இங்கே ஒரே கற்குவியலாக இருக்கிறது.

இன்னும் நாம் தேட வேண்டுமா, லெஸ்லி? எனக்கு ஏதோ சத்தம் கேட்பது போல் தோன்றிக்கொண்டே இருக்கிறது!

பதறாதே, டான்னி!  நீ கற்பனை செய்வதை நிறுத்திவிட்டு,  கைக்கடிகாரத்தை தேட எனக்கு உதவினால், ஒருவேளை சீக்கிரம் கண்டுபிடித்துவிடலாம். 

இதோ மறுபடியும் அதே மாதிரி ஒரு உராய்வுச் சத்தம்.  உனக்கும் கேட்கிறதா லெஸ்லி?

கடவுளே! ஏதோ கல் நகரும் சத்தம் போல் இருக்கிறதே! 

ஹே! கைக்கடிகாரம் கிடைத்து விட்டது. பயந்த முயலைப் போல ஓடாமல் இருந்ததற்கு நல்ல வெகுமதிதான் இல்லையா?

லெ... லெ... லெஸ்லி! 

அந்தக் குகை மனிதன்! அ... அவனைக் காணோம்! 

அ... அவன் சாகவில்லை!

 உறைந்த நிலையில் இருந்து உயிர் பெற்று விட்டான்!

ஒரு தீக் கனவு போல, பெரும்பாறை ஒன்றை தூக்கிக் கொண்டு அந்தப் பயங்கர உருவம்  அவர்களை நோக்கி வந்தது. 

அக்... அக்...

ஈஈஈஈஈஈஈஈ! 

ம... மயங்கி விழுந்து விடாதே டான், வா, வெளியே ஓடுவோம்! 

அ... அவன் நம்மை நெருங்குகிறான்! எ... என்னால் வேகமாக ஓட முடியவில்லை... 

ஐயோ! இதுக்கு மேல போக வழியில்லை. மாட்டிக்கிட்டோம்! 

அதோ வந்து விட்டான்! நம் கதை முடிந்தது! 

ஆஆஆஆ!

ஆனால்... முறைத்துப் பார்க்கும் கண்களும், மயிர் அடர்ந்த அங்கங்களும் கொண்ட அந்த உருவத்தின் உயர்த்தியிருந்த கரங்கள் திடீரென்று தளர்ந்தன. தொடர்ந்து அதனிடமிருந்து பயங்கரமான அலறல் வெளிப்பட்டது.

ய்யீயீயாயா! 

லெஸ்லி! எ... என்ன நடக்கிறது? அவன் தள்ளாடுகிறான்... நம்மைப் பார்ப்பதாகவே தெரியவில்லை...

வெளிச்சம்! இத்தனை காலம் இருளில் இருந்த பிறகு, சூரிய ஒளி அவனைக் குருடாக்கிவிட்டதோ?

 

அவர்கள் பார்த்துக் கொண்டிருக்கும் போதே, அந்த உருவத்திடம் விசித்திர மாற்றம் ஏற்பட்டது.

அ... அவன் சுருங்குகிறான்! வெப்பத்திலும் ஒளியிலும் சுருங்கி அழிகிறான்!

ஐயோ, என்னால் அதைப் பார்க்க முடியவில்லை! 

என்ன பரிதாபம்! ஆயிரக்கணக்கான ஆண்டுகளாகப் பனியில் பாதுகாக்கப்பட்டு, பிறகு உயிர் பெற்றது, இப்படி ஒரு முடிவைச் சந்திக்கவா? 

எல்லாம் முடிந்துவிட்டது, டான்! தீக்கனவு முடிந்து விட்டது.

தன் விசித்திரமான பாதுகாவலன் என்றென்றைக்குமாக அகன்று விட்டதற்காக, வருந்துவது போல, வண்ணச் சித்திரங்கள் நிறைந்த குகையின் அமைதியை, பனி விழுதுகள் உருகி  சொட்டும் துயரம் தோய்ந்த சத்தம் மட்டுமே கலைத்துக் கொண்டிருந்தது...

முற்றும்.

தமிழில் : GOOGLE TRANSLATOR