இது என் வானம்! : விடுமுறை நாள் விபரீதம்!

கருப்பு ஞாயிறு

அந்த வீடு நகரின் பாழடைந்த பகுதியில் இருந்தது. அது நீண்ட காலமாக ஆள் நடமாட்டம் இல்லாமல் இருந்தது...

ஏய் சூஸி, அந்தப் பழைய பாழடைந்த வீட்டுக்குள்ளே போய் ஒருமுறை பார்ப்போமா?

வேண்டாம் ரெபெக்கா, அது சரியல்ல. நாம் மற்றவர்களின் வீட்டுக்குள் செல்லக்கூடாது.

அது ஒரு ஞாயிற்றுக்கிழமை. அந்த இரண்டு சிறுமிகளுக்கும் சலிப்பாக இருந்தது. அவர்களுக்குச் செய்வதற்கு ஒன்றுமே இல்லை...

எது எப்படியோ, எனக்கு அது பிடிக்கவில்லை. அந்த வீட்டில் ஏதோ விசித்திரமான... பயமுறுத்தும் விஷயம் ஏதோ ஒன்று இருக்கிறது.

நீ ஒரு கோழை! அது நகராட்சியால் இடிக்கப்படவிருக்கும் ஒரு சேரிப் பகுதி அவ்வளவுதான். எப்படியும் நான் அங்கே சென்று பார்க்கப் போகிறேன்.

ரெபேக்காவுக்கு உள்ளே செல்வதில் எந்தச் சிரமமும் இருக்கவில்லை. அவளுக்காகக் கதவு ஏற்கெனவே திறந்திருந்தது.

திருடுவதற்கு மதிப்புள்ள ஏதாவது கிடைக்கலாம்.

அந்த வீடு பூஞ்சை வாடையுடனும், மிகவும் பழமையாகவும் இருந்தது.

ஹ்ம்! இப்படிப்பட்ட ஒரு இடத்தில் யார் தான் வசிக்க விரும்புவார்கள்? இதற்குப் பதிலாக, நம்முடைய நவீனமான சிறிய வீடு எவ்வளவோ மேல்.

மாடியில் என்ன இருக்கிறது என்று பார்ப்போம்...

அவள் அங்குமிங்கும் சுற்றித் திரிந்தாள்...

ம்ம். ஈயக் குழாய்களைத் தவிர வேறொன்றுமில்லை, ஒன்று இரண்டு பவுண்டுகள் தேறும். என் சகோதரன் பில்லை அவனது லாரியுடன் வரச் சொல்கிறேன்.

பிறகு, ஒரு தாழ்வாரத்தின் முடிவில்...

அட! நான் அந்த அறையைத் தவற விட இருந்தேன்.

என்ன?

என்ன விசித்திரம்! அறை முழுவதும் கருப்பு வண்ணம் பூசப்பட்டிருக்கிறது... சுவர்கள்... கதவு... ஜன்னல்... ஏன், மேற்கூரை கூட!

ஒரு அறையை ஏன் முழுவதுமாக கருப்பு நிறத்தில் பூச வேண்டும்? இது வினோதமாக இருக்கிறது! சூசி இதை கண்டிப்பாகப் பார்க்க வேண்டும்...

சூசி! இங்கே வந்து பார்... இது ரொம்ப விசித்திரமா இருக்கு.

வேண்டாம், ரெபெக்கா. எனக்கு... எனக்கு இது பிடிக்கல.

நீ என்னுடன் வரவில்லை என்றால், நாளை பள்ளியில் எல்லாப் பெண்களிடமும் நீ எவ்வளவு கோழைத்தனமானவள் என்று சொல்லிவிடுவேன்.

ஓ... ச-சரி வருகிறேன்!

அவர்கள் அந்த 'கருப்பு அறை'க்குத் திரும்பினார்கள்.

இது பயங்கரம்... இங்கே ஏதோ தீய சக்தி இருக்கு!

அருமை! பேய்க்கதைத் திரைப்படங்களில் வருவது போன்ற ஒரு சூழல். இங்கே ஏன் கருப்பு நிறத்தில் பூசப்பட்டிருக்கிறது என்று கற்பனை செய்து பார்... ஒருவேளை மந்திர வித்தைகளைச் செய்யும் சூனியக்காரி ஒருத்தி இங்கே வசித்திருப்பாளோ?

இல்லை... இது ரொம்ப பழைய பாணி கதை. ஒருவேளை இந்த அறையில் யாராவது கொடூரமான முறையில் கொல்லப்பட்டிருக்கலாம். ஆமாம், அதைச் செய்தவன் பிறகு மிகவும் வருந்தி மனநலம் பாதிக்கப்பட்டு, எல்லாவற்றையும் கருப்பு நிறத்தில் பூசிவிட்டான்; ஒவ்வொரு இரவும் அவன் இங்கே வந்து...

ஓ! நிறுத்து! நிறுத்து! உன் கதைகள் எப்பொழுதும் என்னைப் பயமுறுத்தும் என்பது உனக்குத் தெரியும்தானே, ரெபெக்கா?