போர்குரோல்ஸ் தீவு மர்மம்!

 

லா ரஃபேல்* பத்திரிகை நிருபர் ஜானியின் சக ஊழியரும் நண்பருமான பாப் ட்ரூமண்ட், அலுவலகப் பணியாக போர்குரோல்ஸ்*  தீவுக்கு சென்றபோது காணாமல் போகிறார். அவரைப்பற்றி கவலைப்படும் லா ரஃபேல் பத்திரிகையின் ஆசிரியர்

சிறப்பு நிருபர் ஜானியை பாப் ட்ரூமண்டை கண்டு பிடிக்க போர்குரோல்ஸ் தீவுக்கு அனுப்புகிறார்.

தீவில் ஜானியின் விசாரணைகள் அவருக்கு மரண ஆபத்துகளை ஏற்படுத்துகின்றன.

அவற்றிலிருந்து தப்பிக்கும் ஜானி தான் இறந்து விட்டதாக நாடகமாடி,  மாறுவேடம் பூண்டு, கமிஷனர் போர்டனின் உதவியோடு எதிரிகளிடையே துப்பறிந்து பாப் ட்ரூமண்டை மீட்பதோடு, அனைத்துக்கும் காரணமான ஓவிய திருட்டையும் வெளிப்படுத்துகிறார்.

அழகான சித்திரங்கள், சில மர்ம சம்பவங்களுடன் விறுவிறுப்பு அதிகமில்லாத சுமாரான கதை! 

*La rafale என்ற

பிரெஞ்சு சொல்லுக்கு தமிழில் காற்று எனவும், .

ஆங்கிலத்தில்

The gust எனவும் பொருள்படுகிறது.

gust என்றால் பலத்த காற்று என்றும் வெடிப்பு என்றும் அர்த்தங்கள் கிடைக்கின்றன.

a destructive wave of highly compressed air spreading outward from an explosion

"வெடிப்பிலிருந்து வெளியே பரவும் அதிக அழுத்தப்பட்ட காற்றின் அழிவு அலை என பொருள்படும்."

La rafale என்னும் பத்திரிகை பெயருக்கு வெடிகுண்டின் விளைவுபோல வீரியமிக்க செய்திகள் வெளியிடும் பத்திரிகை என அர்த்தம் கொள்ளலாம்.

*பிரெஞ்சுக்காரர்கள் போர்குரோல்ஸ் தீவை 'மிதக்கும் காடு' என்று வர்ணிக்கின்றனர், அதன் மேற்பரப்பில் ஆலிவ் தோப்புகளும் திராட்சைத் தோட்டங்களும் உள்ளன. நகரத்தில் உல்லாசமாக உலவவும், தெளிவான கடல் நீரில் நீந்தி மகிழவும், கடற்கரையின் நிழற் பகுதிகளில் ஒரு அழகிய சுற்றுலாவை அனுபவிக்கவும், இந்த அழகான பிரெஞ்சுத் தீவில் அனைவருக்கும் ஏதாவது இருக்கிறது.