9,முடிவல்ல... ஆரம்பம்...

 

ஏப்ரல் 3, 1953ல் இரகசியப் பரிசோதனையாக ஆல்ஃபா எனும் மனிதக்குரங்கு ஓமேகா எனும் ராக்கெட் மூலம் விண்வெளிக்கு ஏவப்படுகிறது.

( ஆல்ஃபா ஒமேகா, தொடக்கத்தையும் முடிவையும் குறிக்கும் இரண்டு கிரேக்க சொற்கள்...)

ஆனால்   ஏதோ தவறுதல்  காரணமாக பூமியின் ஈர்ப்பு சக்தியிலிருந்து துண்டிக்கப்பட்ட ஓமேகா எல்லையற்ற பிரபஞ்சத்தில் முடிவற்ற பயணத்தை மேற்கொண்டது.

அதில் பயணிக்க வைக்கப்பட்ட ஆல்ஃபா உணவின்றி, நீரின்றி, உணர்வின்றி பிரபஞ்சத்தின் அச்சுறுத்தும் தனிமையில் கழித்த நெடும் நாட்களுக்கு பின் அதன் மூளை பரிணாம வளர்ச்சி பெறத் துவங்கியது.

மனிதர்களை விட சிறந்த அறிவைப் பெற்ற ஆல்ஃபாவுக்கு, நினைத்த உடலில் புகவும் நினைத்த வடிவத்தை எடுக்கவும் கூடிய ஆற்றல்களும்  கிடைக்கிறது.

விண்வெளியில் ஏவப்பட்டு 34 ஆண்டுகளுக்குப் பின், பூமிக்குத் திரும்பினால் தனக்கு மரணம் நிச்சயம் என்பதை அறிந்தும்,  பரிசோதனைக்காக அனுப்பி விட்டு தன்னை மறந்து போன மனிதர்களைப் பழிவாங்க, ஆல்ஃபா ஓமேகாவில் பூமிக்கு வந்திறங்கி அமி எனும் யுவதியுடன் உடலுறவு கொண்டு, பின் இறந்து போகிறது.

அமிக்குப் பிறக்கப்போகும் குழந்தை எப்படி இருக்கப் போகிறது?

அரக்கனாகவா?

சூப்பர்மேனாகவா? 

இது முடிவா?

இல்லை, ஆரம்பமா?