குற்ற ஒழிப்புப்படை - 2

 

உலகச் சட்டக் காவலர்களின் உண்மை சாகஸங்கள்!

இடாஹோ கிட் கைது! 

1903ம் ஆண்டின் வசந்த காலத்தின் ஒரு நாளில், கனடாவில் உள்ள சஸ்காட்செவன் சேர்ந்த 'வேபர்ன்' எனும் அமைதியான சிறிய நகர மக்கள், "இடாஹோ கிட்" என்றழைக்கப்பட்ட ஒரு அடாவடித் துப்பாக்கி துஷ்டனால் அச்சுறுத்தப்பட்டுக் கொண்டிருந்தனர்.

வேகமாக! இன்னும் வேகமாக நடனமாடுங்கள்! ஹா, ஹா, ஹா! என்னை அடக்க யாராலும் முடி யாது!

பில்லி! நீ உடனே மவுண்டி (காவல்துறை) முகாமிற்குப் போய், இடாஹோ கிட் இந்த நகரத்தையே துப்பாக்கியால் சுட்டு அச்சுறுத்துகிறான் என்று சொல்லி, அவர்களை உடனே புறப்பட்டு வரச் சொல்! அவன் யாரையாவது சுட்டுக் கொல்வதற்குள் அவர்கள் வந்தாக வேண்டும்! 

அந்தத் துப்பாக்கிதாரியின் ஏளனங்களையும் அவமதிப்புகளையும் சகித்து அலுத்துப் போன அந்த நகரத்தின் மேயர், இறுதியாக அதிரடி நடவடிக்கை எடுக்க முடிவெடுத்தார். 

உதவிக்கான அழைப்பை ஏற்று, காவல் துறையில் ஆறு ஆண்டுகள் பணியாற்றிப் பக்குவப்பட்ட, மனஉறுதி மிக்க காவலர் லெட், பில்லியுடன் வேபர்ன் நகரத்திற்கு வந்து சேர்ந்தார்.

அந்த ஆசாமி விடுதிக்குள் இருக்கிறான், சார்! சன்னல் வழியாகத் துப்பாக்கியால் சுட்டு பயிற்சி செய்து கொண்டிருக்கிறான்!

லெட் குதிரையிலிருந்து கீழே இறங்கினார். தனது கைத்துப்பாக்கியை உறையிலிருந்து உருவாமலேயே, விடுதியை நோக்கி நடந்தார். திடீரென ஒரு துப்பாக்கிச் சூட்டுச் சத்தம் முழங்கியது!

இன்னொரு அடி எடுத்து வைத்தாய் என்றால், அடுத்த தோட்டா உன் மண்டையைப் பிளந்துவிடும், போலீஸ்காரா!

காவலர் ஒரு கணம் அசையாமல் அப்படியே நின்றார்; பிறகு திரும்பி நடந்து சென்றார். அந்தத் துப்பாக்கிக்காரனின் பார்வையில் இருந்து மறைந்த அடுத்த கணமே, ஒரு சிறு சந்து வழியாக விரைந்து ஓடி விடுதியின் பின்புற வாசலை அடைந்தார்.

அவர் மெதுவாகப் படிகளில் ஏறிச் சென்று, அறைக்குள் பாய்ந்து நுழைந்தபோது, இடாஹோ கிட் இன்னும் சன்னல் வழியாக வெளியே பார்த்துக் கொண்டிருந்தான். சீற்றத்துடன் சுழன்று திரும்பிய அந்த அடாவடிக்காரன், லெட்டை நோக்கித் தன் கைத்துப்பாக்கியை நீட்டினான்.

நீயாகத்தான் வந்து சிக்கிக்கொண்டாய், சிவப்புச் சட்டைக் காரா... ஆஅஹ்!

ஒரு சிறுத்தையின் வேகத்தோடு பாய்ந்த லெட், கிட்டின் கையிலிருந்த துப்பாக்கியை ஒரே உதையில் தட்டி விட்டார்!

மறுகணம், அவனது தாடையில் காவலரின் முஷ்டி பலமாக இறங்க, அவன் மயங்கி விழுந்தான். 

லெட் அந்தத் துப்பாக்கிக்காரனைக் கைது செய்து அழைத்துச் சென்றதும், அந்தச் சிறிய நகரத்தில் அமைதி திரும்பியது. நன்றியுள்ள வேபர்ன் நகர மக்களின் சார்பில், மேயர் அந்த காவலரின் வீரத்தைப் பாராட்டி அறிக்கை ஒன்றை அனுப்பி வைத்தார். சில மாதங்களுக்குப் பிறகு, அந்த வீரருக்குக் 'கார்போரல்' ஆக பதவி உயர்வு வழங்கப்பட்டது.

இடாஹோ கிட் ஒன்றும் அவ்வளவு பெரிய பலசாலி இல்லையோ?

அவன் பலசாலிதான்! ஆனா மவுண்டி காவலர் அவனை விட திறமைசாலி!  

உலகின் மிகவும் தனிமையான எல்லைப்புறப் பகுதிகளைப் பாதுகாக்கும் இந்தச் சிவப்புச் சீருடை வீரர்களுக்குப் பெருமை சேர்த்தது இது போன்ற அவர்களுடைய  துணிச்சலான நடவடிக்கைகளே!

                               The end

இடாஹோ கிட் 1900களின் தொடக்கத்தில் கனடிய மற்றும் அமெரிக்க எல்லையோர வரலாற்றில் பதிவான ஒரு உண்மையான துப்பாக்கிதாரி. 

 1903-ல் கனடாவின் வேபர்ன் நகரில் நடந்த சம்பவங்களின் மூலம் பிரபலமான ஒரு கதாபாத்திரம் ஆகும்.

இவருடைய இயற்பெயர் பிராண்டன்பர்கர்; இவர் அமெரிக்காவின் மொன்டானா பகுதியைச் சேர்ந்தவர்.

 1903-ஆம் ஆண்டின் வசந்த காலத்தில், கனடாவின் வேபர்ன் நகரிலுள்ள உணவகம் மற்றும் தெருக்களில் தனது கோல்ட் துப்பாக்கியால் கண்மூடித்தனமாகச் சுட்டு, மக்களை அச்சுறுத்தினார்.

  கனடாவின் 'நார்த்-வெஸ்ட் மவுண்டட் போலீஸ்' அமைப்பைச் சேர்ந்த ஹென்றி லாரி லெட் என்ற காவலர், தனது உயிரைப் பணயம் வைத்து இடாஹோ கிட்டை மடக்கிப் பிடித்துக் கைது செய்தார்.

****★★******★★★*******★★★******★★

மவுண்டி என்பது கனடா நாட்டின் புகழ்பெற்ற தேசிய காவல்துறையான 'ராயல் கனடியன் மவுண்டட் போலீஸ்' (RCMP) அமைப்பின் அதிகாரிகளைக் குறிக்கும் சொல்லாகும்.

1873-ஆம் ஆண்டில் 'நார்த்-வெஸ்ட் மவுண்டட் போலீஸ்' (NWMP) என்ற பெயரில் கனடாவின் எல்லைப்புற அமைதியைப் பாதுகாப்பதற்காகத் தொடங்கப்பட்டது.

  ஆரம்ப காலத்தில் இவர்கள் குதிரை மீது அமர்ந்து ரோந்து சென்று சட்டம் ஒழுங்கைப் பராமரித்ததால் "மவுண்டட் போலீஸ்" என்று அழைக்கப்பட்டனர்.

 சிவப்பு நிற மேலங்கி, அகலமான தொப்பி, பழுப்பு நிற பூட்ஸ் காலணிகளுடன் குதிரைப் படைகள் அணிவது போன்ற சீருடை இவர்களின் உலகப் புகழ்பெற்ற அடையாளமாகும்.

 இன்று இவர்கள் அதிநவீன வாகனங்கள் மற்றும் தொழில்நுட்பங்களைப் பயன்படுத்தினாலும், கனடாவின் பாரம்பரிய நிகழ்வுகள் மற்றும் அணிவகுப்புகளில் அதே சிவப்புச் சீருடையுடன் குதிரையில் கம்பீரமாகக் காட்சி தருவார்கள்.

காமிக்ஸ் மற்றும் கதைகளில் கனடாவின் காட்டுப் பகுதிகளிலும் சிறிய நகரங்களிலும் குற்றவாளிகளைப் பிடிக்கும் வீரமிக்க காவலர்களாக இவர்கள் சித்தரிக்கப்படுகிறார்கள்.

 ★★★